Stór laxaganga kom inn í Norðurá í dag, þrátt fyrir að nokkuð sé í stærsta straum og sést það á veiðitölum því veiði dagsins er 120 laxar. Veiðmenn sem voru að veiða í Stekknum sögðu ána vera stíflaða af laxi og sömu sögu sögðu veiðimenn í Laugakvörn. Má segja að hann hafi verið í á í hverju kasti. Vætan virðist einnig hafa frískað laxinn sem fyrir var svo tökur voru gríðarlega góðar. Veiðmenn sem voru að koma í hús horfa því hýreygir til morgundagsins og glímunnar við þann silfraða
Það er ekki bara laxinn sem hefur frískast heldur hafa þessar gríðarlega góðu aflatölur einnig gert það að verkum að þær örfáu stangir sem voru lausar í ágúst, sem er rétt handan við hornið, rjúka nú út. Mjög miklar fyrirspurnir hafa verið í dag svo nú er þannig komið málum að fyrstu kemur, fyrstur fær, framboðið er orðið næsta lítið.
Allar upplýsingar gefur Einar Sigfússon í síma 893-9111 og í gengum netfangið einar@nordura.is
