Skrifað 03/07/2014
Flott ganga af smálaxi kom inn í Norðurá í kvöld. Að sögn Elvars Arnar Friðrikssonar yfirleiðsögumanns við ána var Laxfoss heitasti veiðistaðurinn nú á seinni vaktinni í kvöld, 4. júlí.
Mikið var einnig að gerast á Bryggjunum, Myrkhylsrennum, Laugakvörn og Réttarhylsbrotinu. "Þetta var fallegur, vel haldinn og lúsugur smálax sem menn voru að fá í núna seinnipartinn í dag og kvöld. Það virðist sem nokkuð öflug ganga hafi komið inn núna. Það er bara allt að gerast," segir Elvar Örn.
