Skrifað 21/03/2017
Í bygginu er ný og rúmgóð gistiálma við veiðihúsið á Rjúpnaási eins og fram hefur komið í fréttum Norðurár í vetur.
Sjá má, til hægri á meðfylgjandi mynd, glugga allra fjórtán gestaherbergjanna og vísa þeir til austurs, að ánni. Hvert herbergi er 24 fermetrar að stærð og verða tvö rúm í hverju þeirra auk skápa og annars húsbúnaðar. Sérstakt flísalagt baðherbergi með hita í gólfi tilheyrir einnig hverju herbergi.
Til vinstri á myndinni er gamla vinalega setustofan með útsýnisglugga að Laxfossi. Milli húsanna er svo glæný móttaka, lögð náttúrulegu basalti og með lerkiklæðningu í lofti. Austurveggurinn er stór gluggi sem vísar að ánni.
Bygginging gengur vel og samkvæmt áætlun.
Ljósm. Sigrún Ása Sturludóttir.
