2018.06.28 Góð byrjun í Norðurá.

Skrifað 28/06/2018

Spennandi hefur verið að fylgjast með veiðinni í Norðurá í byrjun sumars.

Hollið 21. - 24. júní veiddi 79 laxa og var sá stærsti 94 cm eða 8.4 kíló. Allt var þetta grálúsugur fiskur og sterkar göngur að koma inn.

Fiskur er farinn að veiðast upp á dal og í hollinu fékkst fiskur við Króksbrú. Þó nokkuð af fiski er kominn á milli fossanna Laxfoss og Glanna.

Miklar rigningar voru á sunnudagskvöldið og aðfaranótt mánudags og fór áin á flóð. Heldur er farið að sjatna í henni aftur og má búast við góðri veiði. Stórstreymt er núna 29. júní og miðað við göngur síðustu daga reiknum við með stórgöngum í kringum þetta stórstreymi.

Að kvöldi 27. júní var heildarafli Norðurár kominn í 350 laxa. Byrjuninn er því góð.


Bókanir


Einar Sigfússon gefur allar upplýsingar varðandi bókanir og sölu í Norðurá í símum 893-9111/565-8369/496-0833 eða í gegnum netfangið einar@nordura.is

Norðurá


Veiðifélag Norðurár
Sími: +354 859 3959 nordura@nordura.is

Veiðihúsið Rjúpnaási sími: 435 0058

Veiðivörður Norðurár sími: 860 0333.

Staðsetning


Norðurá er í Borgarfirði, um 110 km fjarlægð frá Reykjavík, ef miðað er við staðsetningu veiðihússins á Rjúpnaási.

Á netinu