Veiðihúsið Rjúpnaási

Veiðihúsið Rjúpnaási

Veiðihúsið Rjúpnaási Veiðihúsið Skógarnefi

VEIÐHÚSIÐ RJÚPNAÁSI

IMG_5885 Rjúpnaás-Norðurá I. Þar er aðal veiðihúsið við ána, staðsett á samnefndri hæð. Í húsinu er full þjónusta eins og gerist á hótelum, fæði, sængurföt og handklæði. Búið er um rúmin og skipt um handklæði daglega og séð til þess að vel fari um þá veiðimenn sem sækja Norðurá heim.

Byggð hefur verið ný svefnálma við húsið og tókst byggingin með ágætum. Inngangur rúmar nýja móttöku, Straum, þar sem áin blasir við um útsýnisglugga sem nær frá gólfi til lofts. Straum prýða stólar með snúnings fæti svo hægt er að njóta útsýnis og ræða við veiðifélaga á víxl. Gólfefni og barborð eru úr náttúrulegu basalti. Barinn og innréttingar eru úr lerki. Í húsinu eru 14 rúmgóð svefnherbergi, tvö rúm eru í hverju þeirra, ásamt setbekk og rúmgóðum skápum í inngangi gengt snyrtingu með sturtu. Innréttingar eru allar hannaðar af GO Form studio. Hvert herbergi fékk nafn ákveðins veiðistaðar og prýðir mynd frá staðnum vegg yfir rúmgafli. Öll hafa þau útsýni yfir Norðurá. Herbergin eru aðgengileg fyrir fatlaða.

Gufubað hefur verið endurnýjað, þar eru rúmgóðir bekkir með óbeinni lýsingu, framan við saunu eru tvær sturtur og snyrting, útgengt er á stétt undir þaki, einnig má ganga niður að útsýnisbekk frá gufunni.

Hluti gömlu gömlu stofunnar hefur verið endurnýjaður í sama stíl og hún var í og hefur fengið heitið Lygna, lofti í Streng hefur verið lyft og hitalögn lögð í gólf. Arinn er í stofu. Gluggi með útsýni að Laxfossi og Baulu í fjarska er við enda stofunnar. Borðstofa rúmar alla gesti hússins í sameiginlegan málsverð. Vinsamlegast látið vita fyrirfram ef um matar ofnæmi er um að ræða.

MATURINN Í VEIÐIHÚSINU

2-IMG_6100 Frá og með sumrinu 2014 hefur Hákon Már Örvarsson Matreiðslumeistari, Bocuse D’Or verðlaunahafi og faglegur framkvæmdastjóri kokkalandsliðsins verið fengin til að annast rekstur veiðihússins á Rjúpnaási við Norðurá. Hann hefur ríka reynslu og fjölda verðlauna í farteskinu þegar hann hefur störf við Norðurá, sem lengi hefur borðið titilinn fegurst áa. Erlendis hefur verið sagt um Hákon Má að hann komi frá landi þar sem fólk vill fá allt hið besta út úr einföldu, hágæða hráefni.

Kunnugir segja að Hákon Már standi undir öllu því sem um hann hefur verið sagt er kemur að gæða matreiðslu.

Hann kunni þá list einna best að gæla við bragðlauka þeirra er njóta eldamennsku hans. Það því afar ánægjulegt að hafa hann í því frábæra liði sem kemur að rekstri Norðurár í sumar.

Hákon Már segir það markmið sitt að úr ánni fari ánægðir veiðimenn, með ljúfar minningar vegna góðrar upplifunar af dvöl sinni við Norðurá, hvort sem talað er um veiði, veitingar eða þjónustu.

AÐSTAÐA Í VEIÐIHÚSINU

IMG_5847

Á hlaðinu eru tvö megin hús. Í veiðihúsinu sjálfu er ný móttaka sem einnig þjónar sem bar að kvöldlagi, eldhúsið, borð- og setustofa, gesta snyrting auk 14 tvíbýlis svefnherbergja fyrir veiðimenn. Á neðri hæð nýju álmunnar er vöðlugeymsla veiðimanna með WC inn af, undir móttöku. Í hinum enda neðri hæðar er ný sauna með tveimur sturtum og WC, þaðan er gengt út og um stiga upp á efri hæð utanhúss, einnig er hægt að ganga að útsýnisbekk með skjólvegg. Í öðru húsi, sem nefnt hefur verið Brekkubær, er aðalgistiaðstaða starfsfólks. Þar eru einnig setustofa starfsfólks og vöðlugeymsla þeirra.

Fjöldi góðra gjafa hafa borist Veiðifélagi Norðurár í tilefni vígslu nýja húshlutans einkum málverk, myndir og bækur sem prýða nú húsið.

Í setustofunni er gluggi sem aldrei verða sett gluggatjöld fyrir, en út um hann má sjá eitt fegursta útsýni við veiðiá á Íslandi. Laxfoss, Grábrókarhraun, Hraunsnefnsöxl og drottingu Borgarfjarðar, Bauluna.

Þar er einnig arinn sem veiðimönnum þykir notalegt að sitja við, sérstaklega er líður að hausti. Og að sjálfsögðu eru á boðstólum guðaveigar af ýmsum gerðum.


Bókanir


Einar Sigfússon gefur allar upplýsingar varðandi bókanir og sölu í Norðurá í símum 893-9111/565-8369/496-0833 eða í gegnum netfangið einar@nordura.is

Norðurá


Veiðifélag Norðurár
Sími: +354 859 3959 nordura@nordura.is

Veiðihúsið Rjúpnaási sími: 435 0058

Veiðivörður Norðurár sími: 860 0333.

Staðsetning


Norðurá er í Borgarfirði, um 110 km fjarlægð frá Reykjavík, ef miðað er við staðsetningu veiðihússins á Rjúpnaási.

Á netinu


Veftré