Flóðatangi

Flóðatangi

Norðurá I Norðurá II Fjallið Munaðarnes Flóðatangi Kort af Norðurá Veiðvörður

Fjallið 2 Fjölskylduvænt og spennandi

Neðst í Norðurá er tveggja stanga silungasvæði sem kallað hefur verið Flóðatangasvæði. Þar í gegn fer allur sá lax sem gengur í ána og því sannarlega von að ná þar í lax. Á svæðinu er einnig nokkuð af staðbundnum silungi, urriða og bleikju. Veiðileyfi hafa verið ódýr á Flóðatangasvæðinu og eru svo enn. Þar eru nokkrir fornfrægir veiðistaðir eins og Kastalahylur, Hlöðutúnskvísl og Ármót en svæðið býður upp á marga veiðistaði. Veiðimörk eru vel merkt og er brýnt að virða þau.

Í ár er breyting á fyrirkomulagi á sölu veiðileyfa. Stéttarfélagið Efling mun vera með með svæðið á leigu á móti Einari Sigfússyni fyrir veiðifélag Norðurár. Þjónustumiðstöð Eflingar er í Svignaskarði í Borgarfirði munu sjá um að selja veiðileyfi fyrir hönd Eflingar. Í Svignaskarði er síminn 893-1767. hjá Einari Sigfússyni 893-9111/565-8369/496-0833

Svæðið er fremur aðgengilegt. Ef komið er að sunnan, eftir þjóðvegi nr. 1 er beygt til hægri við söluskálann Baulan, inn á veg nr. 50. Allir slóðar eru merktir með stórum skiltum og og niðri við ána sjálfa eru síðan minni skilti, við hvern veiðistað.

Flóðatangasvæðið er fjölskylduvænt og tilvalið fyrir byrjendur. Bæði er verði stillt í hóf og auðvelt að hafa gætur á ungum veiðimönnum. Leyfilegt agn er fluga, maðkur og spúnn. Veiðitími er frá 7-13 og 16-22. Eftir 14. ágúst breytist seinni vaktin og er frá 15-21. Leyfilegt er að drepa 2 laxa á hvorri vakt, öðrum ber að sleppa. Öllum laxi 70 sem og stærri skal undantekningarlaust sleppt. Mikilvægt er að snerta fisk sem allra minnst sem skal sleppa og helst að reyna að losa úr fiskinum niðri í vatninu.

Þegar fólk heldur til veiða ber að koma við í þjónustumiðstöð þess félags sem selt hefur veiðileyfin til að taka björgunarvesti. Þar er einnig svokallaður veiðivísir sem gefur frekari upplýsingar. Að veiðiferð lokinni er vestunum skilað og skráð í veiðibók afla dagsins.

Brýnt er fyrir veiðimönnum að nota björgunarvestin við veiðarnar og aka alls ekki utan slóða. Með þeim hætti er sýnt gott fordæmi í umgengni við náttúrna.

Bókanir


Einar Sigfússon gefur allar upplýsingar varðandi bókanir og sölu í Norðurá í símum 893-9111/565-8369/496-0833 eða í gegnum netfangið einar@nordura.is

Norðurá


Veiðifélag Norðurár
Sími: +354 859 3959 nordura@nordura.is

Veiðihúsið Rjúpnaási sími: 435 0058

Veiðivörður Norðurár sími: 860 0333.

Staðsetning


Norðurá er í Borgarfirði, um 110 km fjarlægð frá Reykjavík, ef miðað er við staðsetningu veiðihússins á Rjúpnaási.

Á netinu


Veftré